Волейболдан ата-аналар арасындағы дәстүрлі Чемпиондар Лигасы өтті

Білім беру және тәрбие процесінің жемісті болуы мұғалімдер, оқушылар және ата-аналар арасындағы тығыз қарым-қатынасқа тікелей байланысты. Мұндай рухани байланысты берік ұстап тұру — біздің мектебіміздің маңызды міндеттерінің бірі.

Осы мақсатымызға сәйкес бүгін Алматы қаласындағы РФММ-де волейболдан ата-аналар арасындағы дәстүрлі Чемпиондар Лигасы өтті. Бұл жарыс мектебіміздің туған күні мен Республика күніне орай ұйымдастырылып, нағыз спорттық мерекеге айналды!

Суперфиналға жүзден жүйрік, мыңнан тұлпар командалар шығып, 7D, 8С, 9Е, 10С, 11М сыныптары арасында тартысты ойын өтті. Барлығының ынта-жігері мен командалық рухы жоғары деңгейде көрініс тапты!

Ойын нәтижесі:
1 орын – 8С сыныбы
2 орын – 9Е сыныбы
3 орын – 10С сыныбы

Ата-аналардың осындай шараларына жан-жақты дайындалып, белсенді қатысуы — балаларға үлкен үлгі. Бұл өз кезегінде балалардың бәсекеге қабілеттілігін шыңдауға мүмкіндік береді.

Барлық қатысушыларды жеңістерімен құттықтаймыз!
Өз командасына жанкүйер болған барлық оқушылар мен мұғалімдерге де ерекше алғыс айтамыз. Бұл спорттық рух пен достықты нығайтқан сайыс болды. Келесі жылы да осындай әсерлі сәттерге куә болайық!