ALMATY JUNIOR OLYMPIAD IN INFORMATICS

Almaty Junior Olympiad in Informatics программалау пәні бойынша мектеп оқушыларына арналған (7-9 сыныптар) бірінші олимпиада Алматы қаласындағы «Республикалық физика-математика мектебі» коммерциялық емес акционерлік қоғамы базасында өтеді. Олимпиаданың негізгі міндеттері – мектеп оқушыларының программалау бойынша білім деңгейін арттыру және мектеп оқушыларын программалау олимпиадаларына дайындау сапасын жақсарту, сондай-ақ дарынды балаларды қолдау.

Олимпиада екі кезеңде өтеді:

1. Іріктеу кезеңі — бір тур 2024 жылғы 12 қазанда (прокторинг жүйесімен онлайн форматта). Іріктеу турына қатысу МІНДЕТТІ!. Іріктеу турынан кейін финалдық оффлайн кезеңге өткен қатысушылар тізімі жарияланады. Нәтижелер https://ajoi.kz/ сайтында жарияланады. Әрбір қатысушы академиялық адалдықты тексеру мақсатында прокторинг жүйесінде өз микрофоны мен экранына қолжетімділікті қамтамасыз етуі қажет. Нұсқаулық электрондық пошта арқылы жіберіледі (Тіркелу кезінде мұқият болыңыз!). Іріктеу турына тіркелу 2024 жылғы 30 қыркүйектен 10 қазанға дейін (18:00-ге дейін) http://ajoi.kz/form сілтемесі бойынша жүргізіледі. Егер сіз тіркелген болсаңыз және 11 қазанға дейін 18:00 (GMT+5) нұсқаулық алмаған болсаңыз, алдымен СПАМ қалтасын тексеріңіз, содан кейін осы мәселе бойынша info@ajoi.kz электрондық поштасына жазыңыз.
2. Қорытынды кезең 2024 жылғы 19-20 қазанда Алматы қаласында Республикалық физика-математика мектебі филиалдарының базасында өтеді: Алматы қ., Бухар Жырау бульвары 36.

Олимпиада бағдарламасы:

Іріктеу кезеңі (онлайн)
Күні: 2024 жылғы 12 қазан
Уақыты: 16:00-19:00

Талаптар: Олимпиада кезінде прокторинг үшін  интернетке қосылған компьютер, веб-камера болуы керек.

Іріктеу кезеңінің нәтижелері бойынша Қорытынды кезеңге қатысушылар анықталады.

Қорытынды кезең (оффлайн)
1 тур: 2024 жылғы 19 қазан 10:00-13:00
2 тур: 2024 жылғы 20 қазан 10:00-13:00
Жабылу рәсімі: 2024 жылғы 20 қазан 14:00-15:00

Қорытынды кезеңнің екі турының тапсырмаларын орындау нәтижесінде жиналған ұпайлардың жиынтығы бойынша жеңімпаздар мен жүлдегерлер анықталады. Олимпиадада ең жоғары нәтиже көрсеткен қатысушылар I, II және III дәрежелі дипломдармен марапатталады.

Барлық сұрақтар бойынша info@ajoi.kz электрондық поштасына хабарласыңыз.