6-11 сынып оқушылары арасында «Science.Technology. Algorithmization. Programming» атты ашық халықаралық конференциясы сәтті өтті

25 сәуірде 6-11 сынып оқушылары арасында «Science.Technology. Algorithmization. Programming» атты ашық халықаралық конференциясы сәтті өтті. Конференцияға Ресейдің әртүрлі аймақтарынан, сондай-ақ РФММ, НЗМ, БИЛ, Физтех, Квантум, Дарын мектептері, №20 және 165 мамандандырылған лицейлерінен 250-ден астам оқушылар қатысты. Оқушылар конференцияның «Цифрлық Қазақстан», «Веб-сайт жасау», «С++ тіліне негізделген қолданбалы бағдарламалар», «Қолданбалы ойын», «Алисаға арналған шеберлік», «Telegram Bot», «Python кітапханаларын пайдаланатын қолданбалы бағдарламалар», «Білім беру бағдарламалары», «Мобильдік қолданба», «STEM» сияқты түрлі секцияларда өз білімдері мен дағдыларын көрсетті.

Сонымен қатар қатысушылар математика және физика, математика және дизайн, стереометрия және жазықтықтағы геометрия, ядролық технология, электр энергиясы, табиғаттағы физика, термодинамика сияқты әртүрлі тақырыптар бойынша жобаларын ұсынды.

Барлық қатысушыларға таланттары мен ғылымға деген сүйіспеншіліктері үшін алғыс айтамыз. Жеңімпаздарды құттықтай отырып, оларға ғылым жолында табыс тілейміз!