V Халықаралық IIMC олимпиадасында РФММ оқушылары 8 медаль иеленді

2023 жылы 14-17 желтоқсан аралығында Моңғолияның Ұлан-Батор қаласында 6-12 сынып оқушылары арасында V Халықаралық IIMC олимпиадасы өтті.

Моңғолияның тәуелсіздік күніне арналған бесінші халықаралық математикалық жарыс білім беру Бас басқармасының, Olonlog TUV және Olonlog Academy мектептерінің қолдауымен Халықаралық математикалық олимпиадалардың ережелеріне сәйкес өткізілді, негізгі ұйымдастырушы – Olonlog Academy мектебі.

Бесінші халықаралық математикалық байқауға Моңғолия, Ресей (Иркутск облысы), Жапония, Иран және Қазақстан елдерінің оқушылары студенттері қатысты.

Бесінші халықаралық математикалық олимпиаданың мақсаты – Ресей, Азия елдерінің өңірлерін қамтитын бірыңғай мәдени және білім беру кеңістігін қалыптастыруға ықпал ету, математикаға құмар моңғол оқушылары мен басқа елдердің оқушылары арасындағы достық байланыстарды нығайту.

Сондай-ақ, балаларға қала бойынша экскурсия ұйымдастырылды, олар динозаврлар мұражайында, Шыңғыс хан мұражайында және этногруппаның концертінде болды.

Мектебіміздің 18 оқушысынан құрылған команда олимпиадаға Қазақтан атынан қатысты. РФММ оқушылары 140 қатысушы арасында жоғары нәтиже көрсетіп 8 медаль жеңіп алды:

1. Бейғанов Батырхан 8D-І орын және үздік нәтиже
2. Ким Денис 8Е-І орын
3. Тнымқұлов Мақсұд 8Е-ІІ орын
4. Лим Эрик 8Е-ІІ орын
5. Қанабек Әбу 8F-ІІ орын
6. Уәлихан Әлнұр 8Е-III орын
7. Күнғожин Абзал 7D-III орын
8. Юрженкова Ангелина 9E-III орын

Оқушыларымызды шын жүректен құттықтаймыз және оларды мақтан тұтамыз!