Университет (GNU) өкілдері университеттің презентациясын жүргізді және түсу бойынша кеңестер берді

23 қаңтарда «РФММ» КеАҚ-да Gyeongsang National University университетінің өкілдерімен кездесу өтті, олар университеттің презентациясын өткізді және GNU түсу бойынша кеңестер берді. Біздің мектептің түлектері үшін аталған университетте оқу гранттар негізінде ұсынылады.

Университеттің профессорлары кеңестер берді. Кёнсан ұлттық университеті (GNU) Оңтүстік Корея үкіметінің Білім беру министрлігімен басқарылатын ұлттық университет болып табылады және үздік 10 алдыңғы қатарлы корей ұлттық университеттердің қатарына кіреді.

Университеттің құрамына он екі колледж кіреді, оларға өнер, әлеуметтік ғылымдар, жаратылыстану ғылымдары, инженерия, ауыл шаруашылығы, тіршіліктану, басқару, ветеринария, білім беру, мейірбике ісі және медицина сияқты мамандықтар кіреді. Университетте 24 мыңнан астам студенттер мен аспиранттар оқиды.

Университеттің үш кампусы бар және олар Чинджу, Оңтүстік Кёнсан, Тонгён провинцияларында орналасқан.

Техникалық мамандықтарға ағылшын тілі бойынша білімі IELTS 5,5-тен жоғары болғанда қабылданады. Осы жағдайда корей тілін міндетті түрде білу туралы талап қойылмайды. Корей тілін оқуға ниет білдірген жағдайда, Бастапқы курсты (Фаундейшн курс) өтуге болады, ол сондай-ақ грантпен өтелетін болады.