Каникулдағы саябақ қамқоршылары

Бірсарынды жұмыс пен оқу уақытын өзгерту мақсатында каникулда, 10 қараша күні 9 «G» сыныбымызбен орталық демалыс саябағына барып экологиялық сенбілік жасап қайттық.

Жас жеткіншектерді тәрбиелеу жолдарының бірі саябаққта демалу, онымен қоса, пайдалы жұмысты үйлестіруді ұйғардық.

Сенбілікте сәні мен сәулеті жарасқан орталық саябақ ауласында жапырақ жинап еңбек еттік. Салауатты өмір салтын қалыптастырудың мазмұны мен ұйымдастыру формалары арқылы – табиғи сезімталдық, адам организміне қоршаған орта факторларының әсерін сезіндірумен қатар сынып арасындағы қарым-қатынасты да нығайта түстік.

Сенбілік барысында шырқалған сазды музыка оқушылардың көңіл-күйін көтеріп, тазалау жұмыстарын жүргізу барысында белсенділіктерін арттырды. Оқушылардың жүзінен күлкі, жүрегінен жалын, саналы сезім төгілгені көрінді.

Ата-аналардың айтуынша мұндай шаралар табиғатты аялауға үйретіп қана қоймай, бабаларды адал еңбекке баулиды, экологиялық, танымдық сана-сезім қалыптастырады, деннің саулылығына нәтижелі ықпал етеді, елжандылыққа тәрбиелейді, ортақтасып еңбек ету оларды өзара көмектесуге, көпшіл болып, бір-біріне ықылас танытуға үйретеді.