РФММ аллеясына +8 қырым қарағайы

1-қараша күні 11-сынып оқушылары мен ата-аналары, сынып жетекшілері және мектеп әкімшілігі Тұңғыш президент саябағында орналасқан РФММ аллеясына 8 қырым қарағайын отырғызды.

РФММ аллеясы мектебіміздің 45-жылдық мерекесіне орай 2017-жылы ашылған. Содан бері дәстүрлі түрде жаңарту жұмыстары да жүргізіліп келеді. Биыл 50 жылдық мерейтойға орай ағаш санын арттыру шешімі қабылданған. Бұл құрмет биылғы 11 сынып оқушыларына берілді.

Оқушылар мен ата-аналарға, сынып жетекшілерге мектебіміздің мерейі әрі қаланың көгалдануына қосқан үлесі үшін үлкен алғысымызды білдіреміз.