Жас геологтардың V Қазақстандық ашық дала олимпиадасы

Ағымдағы жылдың 28 шілдесінен 3 тамызын қоса алған мерзімде Бурабай курорттық аумағында «Балдәурен» республикалық оқу-сауықтыру орталығында Жас геологтардың V Қазақстандық ашық дала олимпиадасы өтті. Олимпиада жастарды кәсіптік бағдарлауға, оқушылардың геология ғылымдарын зерттеуге қызығушылығын арттыруға, өсіп келе жатқан ұрпақ арасында геологияны ғылым ретінде танымал етуге бағытталған.

Олимпиаданың қатысушылары геологиялық тілімдерді және карталарды құрды, жолдарды белгілеп, минералогия және петрография негіздерін білуде сайысты.

Аталған олимпиадада «РФММ» КеАҚ оқушылары өзінің теоретикалық және практикалық білімін үздік көрсетті. Нәтижесінде «Визитка-тосын сый»  танысу кешінде олимпиада бағдарламасы бойынша 1 орын, «Түпшаймалық сынамалау» сайысы бойынша 2 орын және «Фотосурет» байқауында 3 орын дипломдарымен марапатталды. РФММ оқушылары жас геологтар сайысына алғаш рет қатысқандығын атап өту қажет, осы ретте олар жақсы нәтиже көрсетті, 20 үміткердің арасынан 6 жалпы командалық орынды жеңіп алды. Келесі олимпиада біздің мектеп үшін одан да нәтижелі болады деп үміттенеміз. Біздің балалар геология саласы жөнінде көп пайдалы ақпарат алып, көптеген жаңа достар мен пікірлестерді тапты және ұмытылмас әсерлерді алды деп ойлаймыз!

Біздің команданы құттықтаймыз, қатысушыларға одан әрі жеңістер мен Қазақстанда геологиялық ғылымын дамытуды тілейміз!