М. Әуезов атындағы Қазақ мемлекеттік академиялық театрында «Алтын белгі» белгілерін және аттестаттарды тапсыру салтанаты өтті

15 маусымда М. Әуезов атындағы Қазақ мемлекеттік академиялық театрында Алматы қаласындағы РФММ түлектеріне «Алтын белгі» белгілерін және аттестаттарды тапсыру салтанаты өтті.

Іс-шараға келесі құрметті қонақтар қатысты: «Келешек» мектебінің директоры Г.К. Сабурова, Түлектер қорының президенті Б.Н. Оспанов, Эндаумент қордың басқарушысы Айнұр Каппарова.

Барлығы осы жылы мектепті 237 оқушы аяқтады, олардың ішінде 49 оқушы «Алтын белгі» белгісін алды, 18 оқушы үздік аттестатты алды.

Салтанатты рәсім кезінде «РФММ жыл олимпиадашысы – 2018» және «РФММ үздік түлегі – 2018» номинацияларының жеңімпаздары аталды. Осылайша, ең үздік олимпиадашылар «Алтын белгі» медалінің иегерлері, Республикалық және Халықаралық олимпиадалардың көп ретті жүлдегерлері: Аманбаева Аружан, Бекхожин Жәнібек және Алина Гаухартас болды. Ең үздік түлектер сондай-ақ «Алтын белгі» медалінің иегерлері, республикалық олимпиадалардың жеңімпаздары, мектеп өмірінің белсенді қатысушылары: Сапидуллаев Бибарыс және Ермак Марьям болды.

Іс-шара дәстүрлі түрде шарларды түсірумен және РФММ әнұранын бірге орындаумен аяқталды.