Коммерциялық емес акционерлік қоғамы
Республикалық физика-математика мектебі
22
Feb
20

«Аудиокітапты тыңдай білудің өзі – миға керемет жаттығу…»



19.02.20 жылы Алматы РФММ интернатының кітапханасында F2F Guests жобасының кезекті қонағы – жас та болса ерекше қалыптасып үлгерген тұлға, сәулетші, ақын, зергер Даурен Баймурзинмен кездесу болды.

Алматыдағы бірнеше танымал және сәулетті ғимараттар жобасының авторы, Анкара қаласындағы Таяу Шығыс техникалық университетінде сәулетші мамандығы бойынша білім алған аз ғана санаулы қазақстандық түлектердің бірі Даурен ағалары жасөспірімдермен өз өмірі мен қазіргі атқаратын қызметі және өнері туралы шынайы әңгіме өрбітті. “Мен Ақтөбе қаласының тумасымын, мектепті 2008 жылы «Алтын белгімен» бітірдім, – деп бастады өмірдерегін ол – “Мектептің соңғы жылы қандай мамандыққа барамын деп ойландым, сол кезде мені гуманитарлық ғылым және техникалық бағыттағы салалар қызықтырды, сөйтіп, мен екеуін үйлестіретін мамандық іздедім, сәулетші болуға ұстазым кеңес берді. Университетке ҰБТ нәтижесімен қабылдандым. Шетелде оқу – өзіңе өзің жасаған алғашқы қатал сынақ. Себебі онда жаныңда моральдық және қаржылық жағынан дер кезінде қолдай қоятын ата-анаң болмайды. Алғаш мен онда бірден қомақты ақшамен бардым да, оны орынсыз жұмсап, тез тауысып алдым. Ол ата-анамның да білместігі еді. Ондай кезде бірге жүрген достарың ғана демеу болады. Ақшаны үнемдеуді қалтаң қағылғанда үйрене бастайсың. Бірінші семестрден кейін-ақ бәрін қалпына келтірдім.

Мықты сәулетші нормалар мен ережелерді сақтап, адамға өте ыңғайлы үй салады. Біздің елдегі сәулетшілердің екіге бөлініп жұмыс істейтіні мені таңғалдырды. Бірі – жоба жасайтын, олар үйдің бұрыштарын қалай бекітуді жақсы біледі, екіншісі – интерьер-дизайнерлер. Жоба жасайтын сәулетшілер эстетика мен әсемдіктің не екеніне мән бермейді, ал мен оқыған университетте ондай бөлу болған жоқ. Бізді әдемі әрі дұрыс жоба жасауға үйретті. Оқу күрделі болды. Барлық сабақ ағылшын тілінде өтті. Үш жыл Стамбулда жұмыс істедім. Қазіргі уақытта Қызылорда облысындағы Шалқия поселкесінен табылған мырыш кен орнының шахталық-құрылыс жобасының жетекші менеджерімін. Он бес күндік ауысыммен жұмыс істеймін. Үйге келген соң бір күн ұйықтаймын, содан соң әр күнімді, уақытымды тиімді пайдалануға жұмсаймын. Пәтерлер мен кеңселердің дизайнер-интерьерін жасаумен айналысамын. Менде де кейде барлық ісімді кейінге қалдыра беру әдеті болады. Ондай кезде ештеңеге үлгермеймін…Өкінішке орай, бізде тайм менеджментті үйретпейді. Уақытыңды тиімді пайдалансаң – сенде бәрі болады.

Менің дәнекерлеу жұмысына деген ынтам зергерлікке алып келді. Мен өз қолыммен өнер туындыларын жасауға қызығамын, зергерлікпен айналысқаныма екі жылдан асты. Өзімді аздап мақтап қойсам болады, мен жасаған әшекей бұйымдардан үшеуі қазір шетелге: Австрия, Америка, Түркияға сатылды. Зергерлік – ұқыптылық пен шыдамдылықты және ерік күшін қажет ететін қолөнер. Ал ақындыққа келетін болсам, сатиралық жанрда өлеңдер жазамын. Ол өте сирек және күлкілі жанр. Өлеңдерім мерзімді баспасөзде жарияланады және өзім де көпшілік алдында оқимын.

Біздің музыкалық аспаптарда ойнайтын азаматтардан құралған өз тобымыз бар. Олардың бәрі өмірде үлкен жетістіктерге жеткен адамдар. Мен ең жасымын. Гитарада ойнаймын. Онда домбыра, шаңқобыз, т.б. ұлттық аспаптар да бар. Бірақ негізі гитарада көп ойнаймыз. Аптасына, кейде айына бір рет демалыс күндері кездесіп тұрамыз. Өз әндеріміз бар.

Болашақта өзім қалаған белгілі бір маршруттармен әлемге саяхаттауды жоспарлап жүрмін. Мен сіздердің жастарыңызда өте көп оқыдым. Кітап оқу –жан дүниеңді рухани қуатқа, білімге толтырады. Аудиокітап оқу өте пайдалы. Оны тыңдай білудің өзі – миға керемет жаттығу. Ішкі жан-дүиең әдемі қалыптасқанда, сыртқы әлемнен өзіңе не керегін білесің. Мақсатың нақты айқындалады. Мақсатың айқын болғанда не жасау керек және неге қол жеткізетініңді де анық білесің».

Әрине, жас әрі өз ісінің білікті маманының оқушыларға айтқан танымдық білім аясындағы теориялық та, практикалық та кеңесі көп болды. Бұл кездесу өзінің зейінді тыңдаушыларына, сөз жоқ, өмірлік ғибратты сабақ сыйлады.

 

Айдарлар

Сізге сондай-ақ қызық болуы мүмкін:

22
Sep
20

#FizmatFaces – Арай Жайсанбек

Арай – мектебіміздің ең тұрақты эко-белсендісі және үлкен тәжірибесі бар волонтер. Арайдың батылдығы күмән тудырмайды, ол мақтауды күтпестен мәселелерді шешуге кіріседі. Жоғары өзін-өзі…

20
Sep
20

Жас физиктердің халықаралық турнирі IYPT-2020

Әлемдік жағдайдағы Covid-19-ға байланысты 33-ші IYPT осы жылдың 4 қыркүйегінен 8 қыркүйегіне дейін онлайн режимінде өтті. Грузия елінен жергілікті ұйымдастыру комитеті O-IYPT-2020 (http://www.iypt2020.ge/index.php)…

17
Sep
20

Күзгі жүгіріс

Алғашқы  әскери және технологиялык дайындық және дене шынықтыру  пән бірлестігінің апталығына байланысты мектепшілік 7-11 сыныптар арасында 17.09.-23.09.2020 ж аралығында орта қашықтықта салауатты өмір…

16
Sep
20

Оқушыларымызға дауыс беріп, қолдайық!

Құрметті достар, біздің мектебіміздің 11 “д ” сынып оқушылары Тимур Ратников және Батырхан Сакенов өз әлеуметтік идеяларын ұсынып, Social Impact Award байқауына қатысып…

15
Sep
20

Fizmat Action Choire

Құрметті оқушылар! Мектепте “Action” хорына қабылдау жүргізіледі. Тыңдау осы сәрсенбі сағат 15: 30-да мектептің акт залында өтеді. Дауыс сапасына қарамастан барлығын шақырамыз. Керекті…

15
Sep
20

#FizmatFaces – Умар Бобоев

Физмат елінде оқудан басқа, басқа өмір ағыны да бар, онда оқушылар стартаптарды бастайды, жарыстарда жеңіске жетеді, шығармашылықпен айналысады және әлеуметтік жобаларға қатысады. #FizmatFaces…

07
Sep
20

Информатика бойынша еуропалық жасөспірімдер олимпиадасындағы алтын медаль иегері (Грузия, Тбилиси, 2-6 қыркүйек)

Алматы РФММ 9 “F” сынып оқушысы Ли Ван Қазақстан құрама командасының құрамында 2-6 қыркүйек аралығында онлайн форматта өткен Информатика бойынша еуропалық жасөспірімдер олимпиадасына…

01
Sep
20

8-9 сынып оқушыларын Яндекс.Лицейге қабылдауы

Алматы және Нұр-сұлтан қалаларында “Республикалық физика-математика мектебі” КеАҚ базасында Яндекс.Лицейге қабылдауы ашылуда. Алматы және Нұр-сұлтан қалаларында “Республикалық физика-математика мектептері” КеАҚ базасында Яндекс.Лицейге қабылдауы…

24
Aug
20

Ата-аналар жиналысы

Тамыздың 27 күні 2020 жылы жаңадан оқуға түскен оқушылардың ата-аналарына арналған онлайн жиналысы өтеді. Жиналыс тақырыбы: «Біздің мектепте қашықтан оқыту қалай жүргізіледі?» Жиналыс…

10
Aug
20

Абай Құнанбаевтың 175 жылдығына арнаған бейнебаяны

Алматы қаласындағы Республикалық физика-математика мектебінің 9 “С” сыныбының Абай Құнанбаевтың 175 жылдығына арнаған бейнебаяны