07
Jun
18

Жазғы бағдарламада тегін білім алу үшін 100 грант бойынша оқушылар мен студенттерді қатысуға шақырамыз



Алматы қаласында 2018 жылдың 25 маусымынан бастап 11 тамызын қоса алғанда nFactorial Incubator жобасының 4-маусымы өтеді. Бұл кәсіби инженер-программисттерді дайындау және бағдарламалық жасақтаманы әзірлеуді тегін оқыту бойынша Қазақстандағы ең ұзақ және ең ірі жоба. 3 жыл ішінде nFactorial жобасынан 14 елден және 40 университеттен 300 астам түлек оқудан өтті.

nFactorial Incubator (n17r.com) жобасы – бұл жыл сайынғы бастама, дарындар фабрикасы. Жоғары сапалы ұялы қосымшалар әзірлеушілерінің нарығына дайындау бойынша белсенді 7 апталық бағдарлама. Бағдарламаның үздіксіз ұйымдастырушысы –  Zero To One Labs, ол Қазақстандағы ұялы қосымшаларды әзірлеудің жетекші студиясы болып табылады.

Бағдарлама бүкіл Қазақстаннан қатысушыларды: жұмыс істейтін кәсіби мамандарды, студенттерді және 15 жастан асқан оқушыларды қамтиды. Келесі іріктеу өлшемдері есепке алынады: қатысушының тесттен өтуі, жоғары сапалы жетістіктері, білімі, бағдарламалау тәжірибесі.

Жыл сайын жобаға қатысу үшін 1 000 астам сауалнама түседі, алайда тек 100 үздік әзірлеуші оқу гранттарын алады. Осылайша, барлық студенттер жылдан жылға толықтай тегін білім алады. Әрбір қатысушының мақсаты – 7 апта ішінде 10 000 рет жүктелген blockchain немесе machine learning қолданумен жасалған өзінің ұялы қосымшасын іске қосу болып табылады. Бағдарлама аяқталғаннан кейін үздік қатысушыларға Қазақстанның жетекші компанияларында жұмыс жасау ұсынылатын болады. Барлық түлектер дерлік жетекші қазақстандық және шетелдік компанияларда жұмыс жасайды, сондай-ақ UCLA, Duke, UC Berkeley, KAIST және тағы сондай сияқты беделді жоғары оқу орындарында оқиды.

Осы жылы келесі екі білім беру бағдарламасы таңдауға ұсынылған:

1) iPhone арналған тума қосымшаларды әзірлеу: iOS;

2) iOS және Android арналған кросс-платформалық қосымшаларды әзірлеу.

Келесі екі мамандық таңдауға ұсынылады:

1) Blockchain — орталықтандырылмаған қосымша (DApps);

2) Machine Learning (NLP, Computer vision) — машиналық білім алу технологиясын қосымшамен біріктіру.

nFactorial Incubator 2018 жобасы — бұл бағдарламалық жасақтаманы (iOS, React Native) әзірлеуге,  Blockchain және ML қолданумен қосымшаны жасауға, пайдаланушылардың санын күрт өсіру үшін дизайн және маркетинг каналдарын қолдануға оқыту. Дүйсенбіден жұмаға дейін, күн сайын сағат 09:00 бастап 19:00 дейін терең, қарқынды оқыту түрінде 300+ жұмыс сағаты. Бағдарламаның соңында App Store және Play Market ұялы қосымшалар дүкенінде 100+ қосымшалар шығарылатын болады. Түлектердің кейбір қосымшаларымен келесі сілтемелер бойынша танысуға болады: https://demoday.n17r.com, http://bit.ly/n17rios (App Store), http://bit.ly/n17randroid (Play Market).

 

nFactorial жобасы екі кезеңнен тұрады. Ұзақтығы 4 апта болатын бірінші кезеңде барлық қатысушылар (таңдалған бағытына байланысты) CS, IOS, React Native, Blockchain, ML, UI/UX негіздерінің және қосымшаларды алға жылжытудың  қарқынды курсын өтеді. Ұзақтығы 3 апта болатын екінші кезеңде әрбір қатысушы өзінің ұялы қосымшасын құрастырады және іске қосады.

Қазақстандық және шетелдік менторлардың командасы келесі 17 адамнан құралады: Facebook, Microsoft, YCombinator, Google, Check24, BMW, IBM компанияларында жұмыс тәжірибесі бар әзірлеушілер; әлемнің үздік жоғары оқу орындарының түлектері (Princeton University, Carnegie Mellon University, University of Oxford, Kepler University); бағдарламалау бойынша әлем чемпионатының финалға қатысушылары; бағдарламалау, дизайн және маркетинг бойынша менторлар.

Апта сайын қонақ ретінде келетін бизнес және технологиялар алыптарының (Forbes тізімі), бағдарлама серіктестерінің, жетекші ұялы технологиялар саласындағы кәсіпкерлердің, әзірлеушілердің, дизайнерлердің және маркетологтардың дәрістері көзделген.

Инкубатордың мәресі ұялы қосымшалардың nFactorial Demo Day 2018 үлкен жыл сайынғы фестивалі болады, онда nFactorial түлектері инвесторлардан, мемлекеттік және жеке компаниялардың басшыларынан, кәсіпкерлерден, рекрутерлерден, журналисттерден, профессорлардан, әзірлеушілерден және дизайнерлерден құралған үлкен қауымның алдына дайын ұялы қосымшаларды ұсынады.

«nFactorial бағдарламасының миссиясы ақпараттық технологиялар саласында Қазақстан Республикасының адамзат капиталын дамыту болып табылады. Біздің мақсатымыз – 10 000 программист дайындау, олар елдің экономикасына 1 млрд. АҚШ долларынан астам пайда әкеледі. Орта Азияда IT саласында кәсіби кадрларды дайындайтын және өңірде IT-аутсорсинг бойынша ең ірі орталықты құру», – деп атап өтеді бағдарлама ұйымдастырушысы Алмас Тұякбаев.

2015 жылы бағдарламаны Carnegie Mellon және Princeton түлектері, пікірлестер және жобаның негізін қалаушылар Алмас Тұякбаев және Арман Сүлейменов іске қосты.

«РФММ» КеАҚ 2017 жылғы «үздік түлегі» Сапар Ерсұлтан «nFactorial Demo Day!» 2017 байқауының қорытынды күнінің жеңімпазы болғанын атап өту қажет.

 

Нәтижелер сайтта жарияланған:
https://zerde.gov.kz/press/news/finalnyy-den-konkursa-nFactorial-Demo-Day/

Өтінімдер 17 маусымға дейін (қоса алғанда) келесі сайтта қабылданады: n17r.com

Ұйымдастыру комитеті: Жанар Аламанов 8 702 112 52 54, zhanara@021labs.com

Айдарлар

Сізге сондай-ақ қызық болуы мүмкін:

16
Oct
18

ҮАК сенбілігі

13.10.2018 ж. «РФММ» КеАҚ Басқарма Төрағасының және Алматыдағы мектептің директорының қолдауымен «Аяулы Балапан» қайырымдылық үйірмесінің еріктілері Үлкен Алматы көлінде сенбілік ұйымдастырылды. Аталған іс-шара…

16
Oct
18

«English opens doors» ағылшын тілі аптасы

Елбасы тапсырмасының негізінде әзірленген «Үш тілде білім беруді дамытудың 2015-2020 жылдарға арналған жол картасы» бағдарламасын жүзеге асыру мақсатында «РФММ» КеАҚ-да бірқатар тақырыптық іс-шаралар…

04
Oct
18

“Мейрім” мейірбике үйінде концерт

3 қазанда «Аяулы Балапан» үйірмесінің еріктілері «Жаңалық жаршысы», «100 ән» үйірмелерімен бірге “Мейрім” мейірбике үйінде қарт адамдардың халықаралық күніне арналған «Алтын жасты мадақтаймыз»…

12
Oct
18

Физмат Гонконг университеттерімен ынтымақтастықты нығайтады

9 қазанда біздің мектеп Гонконг қаласының университеттерінен қонақтарды қарсы алды. Келесі  4 Гонконг универсеттерінің өкілдері – Chinese University of Hong Kong, Lignan University,…

14
Oct
18

Мәңгі есімізде

Республикалық физика-математика мектеп ұжымы математика пәнінің мұғалімі Саяқова Бибігүл Мұратбекқызының мезгілсіз қаза табуына байланысты жақындары мен туыстарына қайғырып көңіл айтады. Бибігүл Мұратбекқызы РФММ-де…

12
Oct
18

РФММ қабырғаларында мектеп түлегі Мөлдір Мекенбаевамен кездесу өтті

Бүгін РФММ қабырғаларында Мөлдір Мекенбаевамен кездесу өтті, ол біздің мектепті алтын медальге бітірді, қазір «Computer science» мамандығы бойынша Назарбаев университетінің 2 курсында оқиды….

11
Oct
18

Оқушылардың Жалпы сібір ашық олимпиадасы (ОЖСАО)

14 қазанда сағат 10:00 Биология пәні бойынша жалпы сібір ашық олимпиадасы өтетінін ескертеміз.  Алматы қаласында барлық пәндер бойынша ОЖСАО өткізудің алаңы Алматы қаласындағы…

11
Oct
18

Алматы қ. бойынша қалалар жарысының бастапқы нұсқаның нәтижелері

7 қазанда Алматы қаласында XL Қалалар жарысының күзгі турының бастапқы нұсқасы өтті. Жалпы алғанда Алматы қ. бойынша шамамен 450 оқушы қатысты. Қорытынды коэффицентті…

11
Oct
18

12 қазанда РФММ түлегі Мөлдір Мекембаевамен кездесу өтеді

12 қазанда мектептің акт залында сағат 14:00 бастап сағат 15:00 дейін РФММ түлегі Мөлдір Мекембаевамен кездесу өтеді. Мөлдір біздің мектепті алтын медальге бітірді,…

08
Oct
18

7 «Д» сыныбының оқушылары сынып жетекшілерімен бірге «Орман ертегісі» демалыс орталығына барды

8 қазанда 7 «Д» сыныбының оқушылары сынып жетекшісі М.С. Жұматаевамен, ата-аналармен және басқа да отбасы мүшелерімен бірге «Орман ертегісі» демалыс орталығына барып қайтты….