РФММ жас және жаңа мұғалімдеріне арналған семинар

05.11.2020-09.11.2020 жж РФММ КеАҚ “РФММ дарынды балалармен жұмыс істеу ерекшеліктері”, жас мұғалімдерге арналған “Өзін-өзі қолдау әдістері” тақырыбында психологиялық-практикалық семинар өтті. Бұл тренингтің мақсаты ұжыммен танысу және кәсіби қызметке бейімделу сонымен қатар дарынды балалармен жұмыс істеу ерекшеліктері болды. Семинарды ұйымдастырушы – директордың ҒӘЖ жөніндегі орынбасары Әубәкірова Гүлнұр Ғабдуқызы.  Осы тренингке 35 жас және жаңа мұғалімдер, тәлімгерлер қатысты, сондай-ақ тәжірибені жас ұрпаққа беру үшін РФММ тәжірибелі мұғалімдері шақырылды. РФММ тәжірибелі мұғалімдері ретінде С. А. Жәмішева, Б. Ж. Өтешева, С. С. Шинасилова, Ж. Н. Байсуйеуева, Р. И. Қошанова сөз сөйледі. Семинар барысында барлық қатысушылар белсенділік, креативтілік танытты және мұндай тренингтерді жылына кемінде бір рет өткізу керек деген тілектерін білдірді.

Семинардың бірінші күні “Педагогикалық іс-әрекеттің басындағы қиындықтар мен проблемалар” және “Стресске төзімділік” атты тақырыптар қаралды. Бастапқыда жаттығу-танысу ретінде “Броундық қозғалыс”, “Біз сенімен біргеміз…”, “Сұхбат” ойындары өткізілді. Тренингтің негізгі бөлігі педагогикалық жағдайларды шешуге бағытталған, топтарға бөлініп, көріністер мен презентациялар ойнатылды. Сондай-ақ, “Мен мұғалім мамандығын таңдаған  себебім…” атты өзін-өзі таныстырылым ұйымдастырылды.

Семинардың екінші күні “Не? Қайда? Қашан?”, “Арал”, “Волейбол” және т.б.ойындар өткізілді. Мақсаты: “Біз – тату командамыз” ұранымен ұжымды біріктіру. Ұйымдастырушы: Лукашевич А. А.

Тренингтің үшінші күні “Педагогтердің эмоционалды күйіну мәселесі”, “Стресс-тест” шағын-дәрісі, ойлау қызметін жандандыру және Педагогтың кәсіби күйіну мәселесіне “қосу” мақсатында “Педагогтың суреті” жаттығуы өтті. Сондай-ақ, олардың психоэмоционалды жағдайын басқару, мазасыздықты, шиеленісті, қорқынышты жеңілдету үшін оқу жаттығулары өткізілді.

Семинар жұмысына мектеп әкімшілігі және пән мұғалімдері қатысты: мектеп директоры-Кунгожин А. М., директордың ҒӘЖ жөніндегі орынбасары – Аубакирова Г. Г., кафедра меңгерушілері – Жумагалиева К. К., Тансыкбаева Т. А..

Семинар соңында РФММ мұғалімдер қатарына қабылдау ретінде жас мұғалімдер “РФММ мұғалімнің ант беру” рәсімінен өтті. Семинар соңында барлық қатысушыларға “FizMat”журналдары табыс етілді.

 РФММ әкімшілігі және педагогикалық ұжымы семинардың барлық қатысушыларына алғыс білдіреді!