Физика пәні бойынша оқушылардың Мәскеу олимпиадасы

2018 жылдың 7 қазанында Алматы қаласындағы РФММ негізінде (сағат 8:30 отырғызу, сағат 9:00 басталу) физика пәні бойынша оқушылардың Мәскеу олимпиадасының нөлдік туры өтеді. Олимпиадада көзбе-көз тапсырма берілетін болады. Тапсырманы орындауға 2 сағат 30 минут бөлінеді.

Физика пәні бойынша ОМО-ның нөлдік турына қатысу үшін Бірыңғай тіркеу жүйесі (БТЖ) арқылы алдын ала тіркелу қажет және келесі сілтеме бойынша өтінімді беру немесе http://mosphys.olimpiada.ru/news/345 сілтемесі бойынша өту керек.

Тіркеу кезінде өтетін жерді таңдау қажет, оқушы сол нүктеде тапсырманы орындауды жоспарлайды.

Тіркеу өткеннен кейін олимпиаданы орындауға арналған арнайы бланктерді басып шығару жөн болады (олимпиада өткізілгенге дейін бірнеше күн бұрын қол жетімді болады).

05.10 — 07.10 аралығында тапсырманы екі рет орындалауға (әр түрлі нүктелерде әр түрлі басталу уақытын қолдану арқылы, соның ішінде бірнеше тіркеулік жазбаны құру жолымен, әр түрлі бланктерді басып шығаруға және т.б.) тыйым салынған. 05.10 — 07.10 аралығында тапсырманы екі рет орындаған қатысушы бұл тапсырма үшін 0 ұпай алады.

Нөлдік турға қатысатын барлық оқушылар өзімен бірге келесі заттарды алып келу қажет:

• бланктер, олар қатысушының жеке кабинетінен басып шығарылады (олар олимпиадаға рұқсат болып табылады);
• екі қара гел сиясы бар қалам:

Қатысушыларға келесі заттарды өзімен бірге алып келуге рұқсат етіледі (және ұсынылады):

• сызғыш, транспортир, циркуль;
• инженерлік бағдарланбайтын микрокалькулятор;
• ішетін су (мөлдір қаптамада);
• шоколад (сылдырламайтын қаптамада);
• сағат;
• ауыстырылатын аяқ-киім.

Қатысушыларға өзімен бірге келесі заттарды алып келуге тыйым салынады:

• ұялы телефондар, сондай-ақ ақпаратты нақтылауға, сақтауға, қабылдауға, бөлісуге мүмкіндік беретін кез келген техникалық құрылғылар;
• анықтамалық әдебиет;
• бағдарланатын микрокалькуляторлар, микрокомпьютерлер.

М. В. Ломоносов атындағы Мәскеу мемлекеттік университетінде физика бойынша олимпиада алғаш рет физика факультетінде 1939 жылы ұйымдастырылды және сол уақыттан бастап оны өткізу дәстүрге айналды. 1978 жылдан бастап бұл олимпиада бір уақытта физика пәні бойынша оқушылардық Мәскеу қалалық олимпиадасы болды. 2008 жылға дейін ол Мәскеу аймақтық олимпиадасы болды (Оқушылардың жалпы ресей олимпиадасының 4 кезеңі) және физика пәні бойынша оқушылардың жалпы ресей олимпиадасының қорытынды кезеңінің алдында өтті. 2009 жылы олимпиада «Физика пәні бойынша оқушылардың Мәскеу олимпиадасы» атауын алды, ал 2014 жылы олимпиада 75 рет өтті.

Қазіргі таңда олимпиада екі кезеңнен тұрады: іріктеу кезеңі (нөлдік тур) және қорытынды көзбе-көз кезең, ол екі теориялық турдан құралады. Іріктеу кезеңі көзбе-көз жеке қатысу және сырттай (қашықтан) өтеді. Қорытынды кезеңнің екі туры М. В. Ломоносов атындағы ММУ физика факультетінде және РФ көптеген өңірлерінде өтетін болады.

2013/14 оқу жылында іріктеу кезеңіне 72 РФ субъектісінен және бес ТМД елінен 11 мыңнан астам оқушы қатысты. Қорытынды кезеңінің турлары Мәскеуде, сондай-ақ 57 РФ өңірінің өңірлік алаңдарында, Беларусь және Қазақстанда өтті.