“Мен әлемді көзілдіріксіз қалай айқын көремін?”

Еш жеріміз ауырмай, ауру жанымызға батпай, еш қорқынышсыз бақытты өмір сүру, сондай-ақ нұрлы әлемді айқын көруге тырысу – бұл біздің өз денсаулығымызға қамқорлығымыз.

Осы мақсатпен 25 қыркүйек күні сағат 19.20 -да РФММ интернатында оқушылармен “Мен әлемді көзілдіріксіз қалай айқын көремін?” деген тақырыпта ашық тәрбие сағаты өтеді. Алматы қаласындағы “Актуаль Оптик” клиникасының кәсіби маманы, врач-офтальмолог Асылханова Жамиля Тургаевна көз ауруларының түрлеріне тоқталып және көздің көру қабілетін қалпына келтірудің заманауи емдік шараларын балалар мен жасөспірімдерге түсіндіреді, сондай-ақ көз күтіміне байланысты арнайы жаттығулар жасауға кеңес береді.

Құрметті жасөспірім, егер сізді қазіргі уақытта осы мәселе толғандыратын болса, көз саулығына қатысты кәсіби маманның шеберлік сабағына қатысуға шақырамыз және осы жерде өз сұрағыңызға жауап алуға мүмкіндігіңіз бар. Кездесуді ұйымдастыруға “Рухани жаңғыру” және “Сырғалым” үйірмелерінің жетекшілері мен мүшелері атсалысып отыр.

#анонс