Информатика пәні бойынша халықаралық олимпиада

IOI ғылым бойынша бес халықаралық олимпиалардың бірі болып табылады және оқушылар үшін дүние жүзінде компьютерлік ғылымдар саласында ең беделді сайыстардың бірі болып табылады. Осы жылы Информатика пәні бойынша халықаралық олимпиада 2018 жылдың 1 қыркүйегінен бастап 8 қыркүйегін қоса алған мерзімде Жапониядағы Цукубе қаласында өтті. 85 елден 900 астам қатысушы қатысты.

Информатика пәні бойынша халықаралық олимпиадада Қазақстан құрамасының атынан ең мықты төрт оқушы қатысты. Біздің балалар соншалықты беделді сайыста өзін жақсы көрсете білді, бір күміс, екі қола медальді және құрмет грамотасын жеңіп алды.

Информатика пәні бойынша ҚР құрамасында ең үздік нәтиже көрсеткен күміс медальдің иегері Данияр Закарин Алматы қаласындағы РФММ-нің 10 сынып оқушысы болып табылатындығын атап өту қажет.

Данияр бірнеше рет әр түрлі олимпиадалардың жүлдегері болды. 2016 жылы Информатика пәні бойынша VIII Еуразиялық олимпиаданың қола медалінің, сондай-ақ Республикалық жалпы білім беретін пәндер бойынша олимпиаданың күміс медалінің иегері атанды, осы жылы XІV Халықаралық Жәутіков олимпиадасында күміс медалді жеңіп алды. Данияр жақсы нәтиже көрсетіп, информатика пәні бойынша Қазақстан құрамасының мүшесі атанды.

Данияр біздің мектептің қоржынына медаль ғана алып келмей, ол сондай-ақ осындай ауқымды жарыстарға қатысудың құнды тәжірибесін алды, бұл сөзсіз оған болашақта көмектеседі.

Бұл медаль соңғы 3 жылда алғашқы күміс медаль екенін соңында атап өткіміз келеді (2014 жылы біздің мектептің түлегі Мырзакерей Мирас күміс медалді жеңіп алды). Біздің балаларымыз бізді жылдан-жылға одан да жоғары нәтижелерімен қуанта беретініне үміттенеміз.

РФММ КеАҚ Данияр Закаринге IOI олимпиадасында алған күміс медалі үшін зор алғысын білдіреді және болашақта табыс тілейді!