Jan

Мұғалімдер мен тренерлердің I Республикалық ашық шығармашылық байқауы өтті

2018 жылдың 11-13 қаңтарында «РФММ» КеАҚ-да математика, физика және информатика пәндері мұғалімдерінің және олимпиадалық резерв тренерлерінің І Республикалық ашық шығармашылық байқауы өтті. Барлығы байқауға 96 мұғалім (42 математика пәні мұғалімі, 33 физика пәні мұғалімі және 21 информатика пәні мұғалімі) және 39 олимпиадалық резерв тренері (18 математика пәні бойынша тренері, 11 физика пәні бойынша тренері және 10 информатика пәні бойынша тренері) жазылды, сондай-ақ Қырғызстаннан бір математика пәні мұғалімі, Ресейден бір математика пәні бойынша олимпиадалық резерв тренері және Қырғызстаннан бір информатика пәні бойынша олимпиадалық резерв тренері байқауға қатысуға ниет білдірді. Нақты байқауға 82 мұғалім (37 математика пәні мұғалімі, 25 физика пәні мұғалімі және 20 информатика пәні мұғалімі) және 34 олимпиадалық резерв тренері (математика пәні бойынша Қазақстан Республикасынан 15 тренер және Ресейден 1 тренер, физика пәні бойынша 8 тренер, информатика пәні бойынша Қазақстан Республикасынан 9 тренер және Қырғызстаннан 1 тренер) қатысты.

Байқаудың қорытындылары бойынша жабылу салтанатында барлық жеңімпаздар мен жүлдегерлер дипломдармен және Fizmat Endowment Fund қорының сыйлықтарымен марапатталды.

Бұл байқау дәстүрге айналып, келесі жылы одан да көп қатысушыларды жинайды деп үміттенеміз.