Алматы РФММ-нің информатика пәні мұғалімі Амантай Баянбектің авторлық бағдарламасы «Үздік авторлық бағдарлама» байқауында жүлделі 4-ші орынға ие болды

ҚР БҒМ «Дарын» Республикалық ғылыми-практикалық орталығы ағымдағы жылдың 1-2 наурызында Алматы қаласында «Үздік авторлық бағдарлама» Республикалық байқауын өткізді.

Байқаудың мақсаты: оқу пәндерінің, элективті курстардың, арнайы курстар мен таңдау курстарының авторлық бағдарламаларын жасайтын үздік педагогтардың озық авторлық тәжірибесін анықтау және тарату.

Педагог байқауларға қатыса отырып, инновациялық технологияларды практикаға енгізу және жұмыстың ең тиімді тәсілдерін іздеу және жүйелеу тәжірибесіне ие болады. Педагог үшін байқауға қатысу-кәсіби педагогикалық қызметте өз жетістіктерін көрсету, тәрбиеленушілермен жұмыс нәтижелерін көрсету, ата-аналармен, жергілікті қоғамдастықпен бірлескен жұмыс нәтижелерін көрсету мүмкіндігін білдіреді.

Алматы қ. РФММ информатика пәнінің мұғалімі Амантай Баянбектің «Greenfoot интеграцияланған әзірлеу ортасын пайдаланып, объектіге бағытталған бағдарламалаудың негізгі түсініктерін оқыту» авторлық бағдарламасы байқауда жүлделі 4-ші орынға ие болды.

Ұстазымызды жетістігімен шын жүректен құттықтап, шығармашылық табыс тілейміз!