Сыңғырла, күміс қоңырау

«Республикалық физика-математика мектебі» коммерциялық емес акционерлік қоғамында 2017- 2018 оқу жылының басталуына орай «Сыңғырла, күміс қоңырау» атты салтанатты жиыны 2 қыркүйек күні өтті.

Мақсаты:

— «Мәңгілік ел» жалпыұлттық патриоттық идеясын және оның құндылықтарын насихаттау;

— бірегейлік пен бірлікті нығайту;

— елі үшін мақтаныш сезімін нығайту.

Мектеп – кеме, ұстаз оның желкені,

Мектеп деген ғылымның ең үлкені.

Тәрбие мен тәлімнің де бесігі,

Мектеп деген даналардың мекені!

Биылғы 2017-2018 жаңа оқу жылын ашу салтанаты дәстүрлі Білім күніне және Қазақстан Конституциясының кезекті мерекелік күніне арналды.

Кең- байтақ, көз жетпейтін жерім менің,

Асқар тау, жасыл жайлау, көлім менің.

Бүгінде бар әлемге даңқың кетті,

Тәуелсіз Қазақстан – елім менің!

Биыл 30 тамызда Тәуелсіз еліміздің Ата заңы – Конституцияның қабылданғанына 22 жыл толды. Халықаралық қауымдастық өркениетті, зайырлы қоғамның тірегі есебінде мойындаған Ата заңымыз– туған еліміздің тарихының ажырамас бөлігі, бабалар жолы мен аманатының жалғасы іспетті.

Олимпиадалар ішінде ерекше атап өтуді қажет ететін олимпиада,             ол – 12 — 23  шілде аралығында  Рио де Жанейро қаласында (Бразилия) өткен        58 – Халықаралық математикалық олимпиада. Онда мектебіміздің 10 «Д» оқушысы Аманбаева Аружан қола медаль иегері атанып, мемлекетіміздің, мектебіміздің абыройын тағы да  асқақтатты.

Ал ел ішіндегі республикалық пәндер олимпиадасында шәкірттер мектеп қоржынына  34 медаль салды. Оның ішінде 7 Алтын, 11 Күміс, 16 Қола және     4 грамота бар.

Қоңырау сыңғырымен кең-байтақ еліміздің түкпір-түкпірінде жаңа оқу жылы басталды. Қоңырау үні еліміздің жас ұландарын терең білімге, отансүйгіштікке,  парасат пен пайым жолына шақырады.

Алғашқы қоңырау аяқталған соң оқушылар Білім күнінде өткізілген  «Мен – өз елімнің патриотымын» атты сынып сағаттарына қатысты.