«Тағам  –  тұлға…»

Қазіргі  таңда Салауатты тамақтану пирамидасы – мықты денсаулықты және ұзақ өмір сүруді қамтамасыз ететін тамақ рационының қандай болу керектігін білу өте қажет.  Осы мақсатта   9 қазан күні сағат 16.00-де РФММ интернатында «Сырғалым», «Рухани жаңғыру» және «Жаңалық жаршысы» үйірмелерінің ұйымдастыруымен «Салауатты тамақтану денсаулық пен сапалы білім кепілі» атты  тақырыпта  Ұлттық салауатты тамақтану орталығының ғылыми маманы, С. Асфендияров атындағы ҚазҰМУ аға оқытушысы, медицина ғылымының кандидаты А. Н. Қожахметовамен кездесу болып өтті.

Кездесу барысында Айгүл Нағашбекқызы: «Бүгінгі, ертеңгі және ересек жастағы денсаулығың тұтынған тағамыңа тәуелді. Тағам  –  тұлға! Адамның мінез-құлқы ішіп жеген тағамына  байланысты» , –  дей келе, «Пайдалы тағам = денсаулық + ақыл + сұлулық, ал  зиянды тағам = аурулар + шаршау + толықтықпен байланысты екенін оқушыларға бейнероликтер  арқылы  кеңінен түсіндірді. Әсіресе мектеп жасындағы оқушыларға Қазақстанда жасалған ұлттық тағамдардың пайдасы туралы көбірек тоқталып, күнделікті пайдаланатын тағамдар құрамында 400 гр шикі көкөністер мен жемістер, жармалар, ет немесе балық, сүт өнімдері, қара нан, сонымен қатар жасанды бояғыштары болмаса табиғи тағам өнімдерін кезектестіріп қолданудың маңызды екендігін  атап өтті.

Балалар, дана қазақ  «Дұрыс тамақ ішерсің –  қуат алып жүрерсің!» дегендей, салауатты тамақтану түрлі аурулардан қорғайтынын, ақылды және көрікті болып өсуге көмектесетінін біле жүріп, салауатты өмірді таңдап, дәмді және дұрыс тамақтанайық!