«Кітап білім бұлағы» тәрбие сағаты

Бүгін 6 қарашада «100 кітап» үйірме жетекшісі Қайырбекова Ляззат Қанаевна және «Аяулы балапан» үйірме жетекшісі Сетербаева Айгүл Дюсетаевнамен  ұйымдастылырған 7-8 сынып оқушылар арасында «Кітап білім бұлағы»  атты тәрбие сағаты өткізілді.

«Кітап білім бұлағы»  атты тәрбие сағатында оқушыларды саналы тәрбие беруге бейімдеп, кітап – адал пейіл, асыл дос, адам өмірінің таусылмас қазынасы, білімнің көзі,  өмір күресінің қаруы болатын ақылшымыз жәйлі түсіндірілді.

Ата – бабамыз кітапты ерекше ақылшы ұстаз санаған. «Кітап – білім бұлағы, білім — өмір шырағы» деген қанатты сөз қалдырған. Кітап адам баласына бала кезінен бастап, өмірінің соңына дейін сырлас досы болады.

Кітап – адам баласының ақыл ойынан туған рухани байлықты сақтап қалатын, оны ұрпақтан ұрпаққа жеткізіп отыратын құрал. Адамзат баласының қол жеткізген ұлы игіліктерінің бірі – білім қазынасы. Кітап адам баласының сан ғасырлық ақыл – ойының жемісі, тарихы мен тағылымының алтын сандығы. Кітап ұрпақтан ұрпаққа қалдырған рухани өсиет.

Ата — бабамыздың өткен тамыры терең тарихтарын, тұңғиықтан сыр шертетін әдебиеттерін, таңғажайып ғылым кереметтерін киелі шаңырақ кітаптардан табамыз.

Болашақта «100 кітап» үйірмесі жас оқырмандардың сүйікті мәдени ортасына айналатынына сенеміз.