Fizmat Chess Open

«Fizmat Chess Open Almaty 2025» халықаралық жылдам шахмат турнирінің

ЕРЕЖЕCІ

1. МАҚСАТТАРЫ ЖӘНЕ МІНДЕТТЕРІ
   1.1. Қазақстан Республикасы бойынша оның ішінде Астана қаласы, Ақмола облысы және өзге де өңірлердегі оқушылар арасында шахмат ойынын кеңінен насихаттау және дамыту.
   1.2. Шахматшылардың спорттық шеберлігін арттыру.
   1.3. Cалауатты өмір салтын сақтау мәдениетін қалыптастыру.
   1.4. РФММ – ді насихаттау.
   1.5. Астана қаласындағы Республикалық физика-математика мектебінің демеушілік гранттарының иегерлерін анықтау.
2. ТУРНИРДІ ӨТКІЗУ НҰСҚАУЛЫҒЫ
   2.1. Аталған турнирдің ұйымдастырушысы – «Қазақстан шахмат федерациясы» республикалық қоғамдық бірлестігінің қолдау білдіруімен Республикалық физика-математика мектебінің Астана қаласындағы филиалы (әрі қарай «РФММ» КеАҚФ) болып табылады.
   2.2. «РФММ» КеАҚФ санитарлық-эпидемиологиялық талаптарды сақтай отырып, ойын алаңын, турнирдің ашылуы мен жабылуын ұйымдастыруды, турнирге еріктілерді тартуды, медициналық көмек көрсетуді, қоғамдық тәртіпті сақтауды қамтамасыз етеді, ақпараттық қолдауды жүзеге асырады.
3. ӨТКІЗІЛУ УАҚЫТЫ ЖӘНЕ ОРНЫ
   3.1. Турнир 2025 жылдың мамырдың 03-04 күндері Алматы қаласы,Бухар жырау 36 мекенжайы бойынша орналасқан Алматы қаласындағы Республикалық физика-математика мектебінде өтеді.
4. ТУРНИРДІ ӨТКІЗУ ШАРТТАРЫ
   4.1. Турнир ФИДЕ ережелері бойынша Швейцария жүйесімен 11 турдан тұрады және «Swiss-manager» компьютерлік жеребесі қолданылады.
   4.2. Уақытты бақылау – партия соңына дейін әр жүріске 2 секунд қосу арқылы әр қатысушыға 10 минут беріледі. Партия жазылмайды.
   4.3. Сайыс халықаралық ФИДЕ рейтингін есепке ала отырып өткізіледі.
   4.4. Егер қатысушы турға 10 минуттан артық кешігіп келсе, ол жеңіліс болып есептеледі.
   4.5. Читерлік бақылау ФИДЕ античитерлік ережелеріне сәйкес, стандартты қорғау деңгейінде жүзеге асырылады. Турнир қатысушыларына ойын аймағында кез келген электронды құрылғыны (ұялы телефон, сағат және т.б.) пайдалануға тыйым салынады.
   4.6. Апелляция – даулы мәселелерді шешу үшін техникалық кеңесте құрамы: Төраға, 2 негізгі мүше және 2 қосымша мүше болатын бес адамнан тұратын Апелляциялық комитет (АК) құрылады:

• ойыншы судьялардың кез келген шешіміне шағымдана алады, апелляцияны жазбаша түрде, тур аяқталғаннан кейін 10 минут ішінде АК-ға тапсыруы тиіс, апелляциялық жарна құны 30 000 теңгені құрайды;
• Апелляциялық комитеттің шешімі соңғы шешім болып табылады;
• егер апелляция қанағаттандырылса, апелляциялық жарна толық көлемде қайтарылады.
  4.7. Турнирға өтінім жіберу және оған қатысу арқылы қатысушы турнирдің осы Ережелерімен келісетіндігіне келісім береді.

5. ТУРЛАРДЫҢ КЕСТЕСІ

6. ТУРНИР ҚАТЫСУШЫЛАРЫ

6.1. Турнирге қатысуға:

• 5 жастан 16 жасқа дейінгі барлық қатысушылар жіберіледі, 9-сыныптан жоғары сынып оқушылары қатыса алмайды; қатысушылар саны шектеулі, 300 адамнан аспайды.
  6.2. Турнир жарнасы – 12 000 (он екі мың) теңге. Қатысушы турнирден шығып кеткен жағдайда жарна қайтарылмайды.
  6.3. Турнирлік жарна төмендегідей төленеді: өтінім формада телефон нөмірін көрсеткен кезде Kaspi нөміріне есепшот жіберіледі. Есепшот төленгеннен кейін қатысушының тіркеуі растау ретінде есептеледі.
  6.4. Қатысушылар 1 мамырға дейін өтінімді электронды форма арқылы жіберіп, барлық қажетті ақпаратты толтыруы қажет: https://forms.gle/h8Jt9i2y8B4AiiQR9  және төлем құжатын тіркеу керек.
  6.5. Қатысушының старт тізімінде болғанын тексеру үшін мына сілтемеге кіру қажет: https://chess-results.com/tnr1141256.aspx?lan=1

Егер қатысушының аты-жөні келесі күні тізімде жоқ болса, 87077092307 Ахилбай Амина хабарласуға болады.

7. 7. ТУРНИРДІҢ ЖҮЛДЕ ҚОРЫ
   1. Турнирдің жалпы жүлде қоры 1 200 000 (бір миллион екі жүз мың) теңгені құрайды.
   7.2. Республикалық физика-математика мектебінің екі демеушілік грантты сыйақы ретінде ұсынылады: бір грант ер балалар арасындағы үздікке, екінші грант дарынды шахматшы қызға беріледі.
   7.3. Турнир ұйымдастырушылары жүлде санын және оның мөлшерін арттыру құқығын өздеріне қалдырады.
8. 8. ЖЕҢІМПАЗДАРДЫ АНЫҚТАУ
   1. Турнирдің жеңімпазы ең көп ұпай жинаған қатысушы болып саналады. Егер ұпайлар тең болса, жеңімпаздар келесі талаптар бойынша анықталады:

• қысқартылған Бухгольц коэффициенті (бірде бір төмен ұпайсыз);
• Бухгольц коэффициенті;
• жеке кездесу нәтижесі;
• ең көп ұтыс саны;
• қара тастармен ойнаған партиялар саны көп болған қатысушы.
  8.2. Турнир жеңімпаздары РФММ-ға білім алу үшін демеушілік грантқа үміткер бола алады, 7, 8 немесе 9 сыныптардан бастап оқуын РФММ-да жалғастыра алады.
  8.3. Егер турнирдің жеңімпазы 6 сынып оқушысы болса, грантты 6 сыныпты бітірген соң ала алады. Егер жеңімпаз 6 сыныптан төмен сыныптың оқушысы болса, грант келесі жүлдегерге беріледі, ал ол ақшалай сыйлыққа үміткер бола алады.
  8.4. Егер жеңімпаз РФММ оқушысы және грант иегері болса, ол тек ақшалай сыйақы ала алады, грант келесі жүлдегерге беріледі.
  8.5. Егер жеңімпаз гранттан бас тартса – онда грант келесі жүлдегерге берілмейді.
  8.6. Грант иегері Қазақстан Республикасының азаматшысы болуы тиіс, Қазақстан Республикасының азаматтығы жоқ тұлға тек ақшалай сыйақы ала алады.
  8.7. Жеңімпаздың заңды өкілі турнир аяқталғаннан кейін екі апта ішінде мектеп директорының атына жазылған оқуға қабылдау туралы өтінішті мектепке тапсыруы тиіс.
  8.8. Әр секциядағы бірінші үш орын алғандарға №1 қосымшаға сәйкес ақшалай сыйақылар, сондай-ақ турнирді ұйымдастырушы тараптың шешіміне қарай кубок немесе диплом, медаль және естелік сыйлықтар беріледі. Төртінші және тоғызыншы орындар арасында ақшалай және №1 қосымшаға сәйкес естелік сыйлықтар табысталады.
  8.9. Әр жүлдегер тек бір ғана жүлдеге (ең жоғары) үміткер бола алады.
  8.10. Жүлде қорының төлемдері турнир аяқталған күннен бастап 30 күнтізбелік күн ішінде қолма қол төлемсіз жүргізіледі. Сыйлық алу үшін қатысушының ата-анасының немесе заңды өкілінің жеке куәлігі немесе төлқұжатының көшірмесін, туу туралы куәлікті және банктік реквизиттерді ұсынуы қажет.
  8.11. Жарнамалық мақсатта берілген тауарлардан басқа барлық сыйлық түрінен Қазақстан Республикасының қолданыстағы заңнамасына сәйкес салық ұсталады.

Ескертпе: Ұйымдастырушылар бұл ережелерді, ФИДЕ ережелерін және моральдық-этикалық нормаларды бұзған қатысушыларды турнирге қатыстырудан бас тарту немесе шығару құқығына ие.
Қатысушыларды тіркеу 2025 жылдың 1 мамырға дейін сағат 18:00-де аяқталады.
Тіркелу 300 қатысушы тіркелген жағдайда белгіленген мерзімінен бұрын тоқтатылуы мүмкін.
Әр қатысушы 3 мамыр күні сағат 8:00-ден 9:30-ға дейін РФММ ғимаратынан қатысушы бейджін алуы тиіс.
Бұл ереже турнирге ресми шақыру болып табылады.

«FIZMAT CHESS OPEN ALMATY 2025» ХАЛЫҚАРАЛЫҚ ЖЫЛДАМ ШАХМАТ ТУРНИРІНІҢ

ЕРЕЖЕСІНЕ №1 ҚОСЫМША

*РФММ ДЕМЕУШІЛІК ГРАНТЫ РФММ-де оқудың барлық кезеңін толық қамтиды, егер мына талаптар орындалса:

Профильді пәндердің (алгебра, геометрия, физика, информатика, ағылшын тілі пәндері) әрқайсысы бойынша қорытынды жылдық баға 4-тен төмен болмауы тиіс. Барлық пәндер бойынша жылдық орташа қорытынды балл 4.0-тен төмен болмауы керек.

Егер бұл шарттар орындалмаса, оқушы гранттан қағылады және оқуын ақылы негізде жалғастыра алады.

*ЖҮЛДЕ ҚОРЫ – Қазақстан Республикасының заңнамасына сәйкес салық салуға жатады, жеке табыс салығын есептеу, ұстап қалу және бюджетке төлем жасау төлем жүргізуші тарапынан жүзеге асырылады.