Халықаралық олимпиадалардың қатысушылары

РФММ өз халықаралық олимпиада қатысушыларымен мақтанады!

Халықаралық математика олимпиадасы (IMO) — мектеп оқушыларына арналған жыл сайын өтетін математика олимпиадасы, халықаралық пәндік олимпиадалардың ішіндегі ең көнесі. Алғашқы IMO 1959 жылы Румынияда жеті елдің қатысуымен өткен. Әр елден құрамында ең көбі алты қатысушыдан тұратын команда қатысады. Соңғы жылдары IMO-ға бес құрлықтан 110-нан астам ел қатысады. Олимпиаданың ресми сайты — https://www.imo-official.org

Халықаралық физика олимпиадасы (IPhO) — әртүрлі елдердің мектеп оқушылары арасында өткізілетін жыл сайынғы халықаралық физика сайысы.
IPhO 1967 жылдан бері өткізіліп келеді. Алғашқы олимпиада Польша бастамасымен ұйымдастырылған. Әр елден құрамында ең көбі бес қатысушыдан тұратын команда қатысады. Қазіргі таңда IPhO-ға әлемнің 70-тен астам елінің оқушылары қатысады.

Халықаралық химия олимпиадасы (IChO) — мектеп оқушыларына арналған жыл сайынғы химия бойынша жарыс. Алғашқы Халықаралық химия олимпиадасы 1968 жылы Прагада (Чехия) өткен. Әр елден құрамында ең көбі төрт қатысушыдан тұратын команда қатысады. Соңғы жылдары IChO-ға 80-нен астам ел қатысады.

Халықаралық информатика олимпиадасы (IOI) — мектеп оқушыларына арналған жыл сайынғы информатика бойынша жарыс. IOI алғаш рет 1989 жылы Болгарияда өткен. Әр елден құрамында ең көбі төрт қатысушыдан тұратын команда қатысады. Қазіргі таңда IOI-ға 80-нен астам ел қатысады. Олимпиаданың ресми сайты — http://www.ioinformatics.org

Халықаралық биология олимпиадасы (IBO) — әртүрлі елдердің мектеп оқушылары арасында өткізілетін жыл сайынғы биология сайысы. IBO шілде айында 1990 жылдан бері өткізіліп келеді. Әрбір қатысушы ел құрамында төрт оқушыдан тұратын команданы жібере алады. Қазіргі таңда IBO-ға 80-нен астам елдің оқушылары қатысады. Ресми сайты — http://www.ibo-info.org

Халықаралық география олимпиадасы (iGeo) — 1996 жылдан бастап Халықаралық география одағының (IGU) қамқорлығымен өткізіледі. Алғаш рет ол Гаага қаласында өткен. Әр елден құрамында ең көбі үш қатысушыдан тұратын команда қатысады. Соңғы жылдары iGeo-ға 50-ден астам ел қатысады. Ресми сайты — http://www.geoolympiad.org

Осы беттен сіз РФММ-де білім алған халықаралық олимпиада жеңімпаздары мен қатысушыларымен таныса аласыз.