Ең үздігін сүйікті мектебіме!

Ең үздігін сүйікті мектебіме!

Құрметті, оқырмандар! Сіздермен тағы да бір қуанышты жаңалықпен бөліскіміз келіп отыр. РФММ мектебінде ең дарынды, әдепті және отан сүйгіш балалар оқитыны барлығына мәлім. Мұғалімдер, оқушылар және мектеп әкімшілігі – барлығымыз бір үлкен, әрі тату отбасымыз. Жанұяларда қалыптасқандай, отбасымызға тек жақсысын алып, бір-бірімізді шынайы қуантамыз. Міне, мектебімізге кезекті сыйлығын жасаған – 10 сынып оқушысы Исмайлов Богенбай. Ол үстел теннисіне арналған үстел тарту етті!

Бабаларымыз айтып кеткендей, жігітке жеті өнер де аз! Біздің оқушылар тек жаратылыстану ғылымдарын оқып қана қоймай, спортпен де шұғылданғанды ұнатады. Күнде, сабақтан кейін, олардың үстел теннисін ойнағанын байқауға болады. Ондаған ойын әуесқойларына мектепте тек бірнеше ғана үстел болды. Аз уақыт ойнау үшін, оқушылар өздерінің алтын уақытын жоғалтып, ұзақ кезекте тұратын.

Енді бізде бір артық үстел пайда болды. Осының арқасында мектебіміздің спортшылар саны көбейеді деп кәміл сенеміз. Себебі үстел теннисі икемділікті, жылдамдықты және күшті дамытып қана қоймай, стресспен күресуге көмектеседі.

Мектеп президенті сайлауына қатысып отырған Богенбайға сәттілік және сайлау қызықты әрі нәтижелі өтсін деп тілейміз Мектебімізге жасаған сыйлығы үшін Исмайлов Богенбай оқушымызға тағы да үлкен алғысымызды білдіреміз!

автор: Муратбекова Арайлым 10F